бұрышты қайтарғыш

(Угловой отражатель)

жоғарғы қайтарғыш қабілеті бар жинақы жасанды радиолокациялық нысана ретінде қолданылатын электромагниттік толқындарды қайтарғыш. Б.қ. үш өзара көлбеу металл жазықтықтан тұрады және өзіне түскен электромагниттік толқындарды келген бағытымен тойтарады. Барлық бағытта тойтару үшін аралас, көпұялы тойтарғыш қолданылады. Б.қ. объектілерді радиолокациялық бүркемелейтін жалған радиолокациялық нысана жасайды, сөйтіп қарсыластың шын радиолокациялық нысаналарды бақылауына мүмкіндік бермейді немесе кедергі келтіреді. Сонымен қатар Б.қ. артиллериялық қалқандарда (навигациялық), жүзу қалқымаларында, құтқарғыш қайықтарда және басқа объектілерде радиолокациялық станциялардың әрекет ету қашықтығын арттыру мақсатында, сондай-ақ, жер үсті, су үсті және әуе нысаналары ретінде қолданылады.